Blak

Frístundakortið er styrkjakerfi í frístundastarfi fyrir 6–18 ára börn og unglinga með lögheimili í Reykjavík. Styrkurinn er 75.000 krónur á ári og má nýta hann til að greiða niður dvöl á frístundaheimili eða hluta af þátttöku- og æfingagjöldum barnsins.

Styrkurinn tekur gildi frá 1. janúar þess árs sem barnið nær 6 ára aldri og gildir út árið þegar unglingur nær 18 ára aldri. Einstaklingar á 18. ári þurfa að skrá sig sjálfir til að ráðstafa styrknum.

Hægt er að nýta frístundastyrk Reykjavíkurborgar til greiðslu á æfingagjöldum hjá öllum deildum Fylkis. Styrkinn skal nota við skráningu í Sportabler við upphaf tímabils eða þegar iðkandi byrjar.

Ekki er heimilt að endurgreiða greiðslur sem inntar eru af hendi með frístundastyrk Reykjavíkurborgar og ekki er hægt að flytja styrk milli systkina.

Opið er fyrir ráðstöfun frá 1. janúar til 31. desember. 

Systkinaafsláttur

Veittir eru systkinaafslættir innan hverrar deildar fyrir sig.

Dæmi:

• Dæmi 1: Systkini A og B æfa sömu íþróttagrein (t.d. bæði í knattspyrnu). Þá er veittur afsláttur af næst hæsta gjaldi.
• Dæmi 2: Systkini A og B æfa sitthvora grein innan félagsins (t.d. handbolta og knattspyrnu). Þá er ekki veittur systkinaafsláttur.

Afsláttarhlutföll:

• Greitt er fullt gjald af hæsta gjaldi.
• 10% afsláttur af næst hæsta gjaldi.
• 20% afsláttur af þriðja hæsta gjaldi.
• 30% afsláttur af fjórða hæsta gjaldi.

Afslættir eru endurgreiddir þegar gjöld eru að fullu greidd

Lækkun æfingagjalda vegna skörunar æfinga

Hægt er að sækja um lækkun á æfingagjöldum yfir vetrartímann ef iðkandi stundar fleiri en eina íþróttagrein innan Fylkis og æfingatímar skarast.

Lækkun miðast við fjölda æfinga á viku:

• 2 æfingar á viku: 40% lækkun ef ein æfing skarast.
• 3 æfingar á viku: 25% lækkun fyrir hverja æfingu sem skarast.
• 4 æfingar á viku: 20% lækkun fyrir hverja æfingu sem skarast.

Lækkunin á bara við það tímabil sem æfingar skarast.

Nýjir iðkendur

Þeir sem hefja æfingar eftir að tímabil hefst geta haft samband við skrifstofu Fylkis (fylkir@fylkir.is)