Úrslitastund á Laugardalsvelli gegn Þrótturum 🧡

Kæru stuðningsmenn,

Nú er komið að stóru stundinni. Við spilum til úrslita um sæti í Bestu deildinni árið 2027!

Frábærri viðureign við HK er lokið og næstu keppinautar okkar eru Þróttarar. Nú tekur við einn stærsti leikur tímabilsins þegar liðin mætast á Laugardalsvelli næstkomandi laugardag.

Uppfærður Leiktími

Leiktími leiksins hefur verið færður um 15 mínútur. Upphaflega átti leikurinn að hefjast kl. 16:00 en kick-off verður nú kl. 16:15.

Þar sem leikurinn fer fram á Laugardalsvelli er miðasalan og umgjörðin í kringum leikinn með svipuðu fyrirkomulagi og þekkist frá bikarúrslitaleikjum, landsleikjum og öðrum stórum KSÍ-leikjum.

🎟️ Miðasala

Miðasala á leikinn hefst á morgun, þriðjudaginn 15. september kl. 12:00, í gegnum miðasöluvef KSÍ og KSÍ-appið.

Þar sem Fylkir er „úti“ liðið í þessum leik eftir hlutkesti verða stuðningsmenn Fylkis í sunnanverðri stúkunni, nær Þróttarheimilinu.

Miðaverð:

• Fullorðnir, 17 ára og eldri: 2.500 kr. í forsölu - 3.000 kr. í almennri sölu
• Börn, 16 ára og yngri: 500 kr.

Forsala á fullorðinsmiðum gildir til kl. 23:59 fimmtudaginn 17. september, áður en miðaverð hækkar aðfaranótt föstudagsins 18. september. Miðaverðið hækkar þá um 1.000 kr. og kostar 3.500 kr. frá þeim tíma og fram að kick-off.



⚠️ Mikilvægar upplýsingar

Vegna þess að um stóran KSÍ leik er að ræða verður aukin öryggisgæsla á Laugardalsvelli.

Við viljum því minna stuðningsmenn á eftirfarandi:

• Blys, flugeldar, konfettisprengjur og hvers kyns flugeldatækni eru stranglega bönnuð og verða slíkir hlutir gerðir upptækir við inngang.
• Ekki er heimilt að koma með mat eða drykki inn á vallarsvæðið. Veitingasala verður á vellinum með mat og þá verður áfengir drykkir einnig seldir.
• KSÍ áskilur sér rétt til að skoða töskur og muni sem gestir hafa meðferðis. Gestum sem neita skoðun getur verið neitað um aðgang.

Við hvetjum því alla til að kynna sér og virða þær reglur sem settar hafa verið til að forðast óþarfa leiðindi á leikdegi og skapa góða stemningu fyrir alla.

🧡 Upphitun fyrir leik

Knattspyrnudeild Fylkis vinnur nú hörðum höndum að því að skipuleggja stuðningsmannahitting fyrir leikinn á laugardag. Dagskráin er enn í undirbúningi og verður hún auglýst um leið og hún er fullkláruð.

Takið því frá allan laugardaginn! Við ætlum að hefja upphitun nokkrum klukkutímum fyrir leik og mæta svo saman á Laugardalsvöllinn til að styðja strákana í þessum gríðarlega mikilvæga leik.

Einn leikur. Eitt markmið. Eitt sæti laust í Bestu deildina. 🧡