Máni Austmann Hilmarsson hefur framlengt samning sinn við knattspyrnudeild Fylkis og mun leika áfram með okkur út keppnistímabilið 2026 hið minnsta.

Máni kom til Fylkis frá Fjölni á miðju tímabili síðasta sumar og spilaði 8 leiki í Lengjudeildinni, en meiðsli komu í veg fyrir að leikirnir og mínúturnar yrðu fleiri. Nú er Máni hins vegar búinn að jafna sig að fullu, kominn í sitt besta form og hefur heillað þjálfarateymið í fyrstu leikjum ársins.

Á ferlinum hefur Máni leikið samtals 211 meistaraflokksleiki og skorað í þeim 43 mörk, og bindum við miklar vonir við hans framlag á komandi tímabili.

The post Máni Austmann áfram í appelsínugulu! appeared first on Fylkir.